27.01.2018. Səhmdarlarının ümumi yığıncağı keçirilmişdir.

27 yanvar 2018-cı il tarixində FinexKredit ASC-nin baş ofisində Şirkətin 2017-ci ilin yekunlarına həsr olunmuş səhmdarların ümumi yığıncağı baş tutmuşdur. Yığıncaqda 2017-cı ilin maliyyə nəticələri ,  beynəlxalq audit rəyinin nəticələri dinlənilmişdir.  Qeyd edilmişdir ki,  «FinexKredit” BOKT-ın 2017-ci il ərzində aktivləri 13,58%, nizamnamə kapitalı 33,3%, kredit portfeli 13,48%, gəlirləri 34,62% artmışdır. Qiymətli kağızlar bazarında aparılan əməliyyatların sayı artaraq, onların yerlədirilmiş hissəsi 8,3% artmışdır. Eyni zamanda Şirkətin satış şəbəkəsinin 2017-ci ildə daha da genişlənməsi qeyd edilmişdir. Ümumi yığıncaq «FinexKredit” BOKT ASC-nin 2017-ci il üçün fəaliyyətini qənaətbəxş saymış, Şirkətin rəsmi auditoru olan RSM-Azərbaycan Audit şirkətinin audit rəyini təsdiqləmişdir. Nizamnaməyə əsasən audit komitəsinin yeni tərkibi seçilmişdir.  Eyni zamanda Şirkətin gələcək fəaliyyətinə dair strateji qərarlar qəbul edilmişdir və idarə edici orqanlar qarşısında yeni hədəflər qoyulmuşdur.